“ХОГГҮЙ ХАН-УУЛ -2019” АЯНЫ ХҮРЭЭНД “ЦЭВЭР ОРЧИН-ЦЭНГЭГ ТУУЛ” УРИАН ДОР ТУУЛ ГОЛОО ЦЭВЭРЛЭХ ХӨДӨЛГӨӨН ЭХЭЛЛЭЭ

Хан-Уул дүүргийн Засаг даргын 2019 оны 04 дүгээр сарын 08-ны өдрийн “Хоггүй Хан-Уул 2019” аян зохион байгуулах тухай А/112 дугаар захирамжийн хүрээнд “Улаанбаатар буян” ХХК –ийн хамт олон нийгмийн хариуцлагаа хэрэгжүүлэн Хан-Уул дүүргийн Засаг даргын Тамгын газартай хамтарч “Цэвэр орчин-Цэнгэг Туул” уриан дор Туул river challenge буюу Туул голоо цэвэрлэх хөдөлгөөнийг өрнүүлэн эхний үе шатны цэвэрлэгээг 2019 оны 04 дүгээр сарын 27-ны өдөр их цэвэрлэгээг амжилттай зохион байгууллаа.

Их цэвэрлэгээнд "Улаанбаатар буян" ХХК-ийн 120 хүний бүрэлдэхүүнтэй хамт олон Яармагийн гүүрнээс баруун зүгт Туул гол дагуух 3.0 км зайд 8 тн хог хаягдлыг цэвэрлэж ажиллалаа. 

Мөн “Шинэ Монгол” сургуулийн багш, ахлах ангийн сурагчид 04 дүгээр сарын 27-ны өдөр Яармагийн гүүрнээс зүүн тийш 2.0 км-ийн зайд Туул гол дагуух хог хаягдлыг цэвэрлэж, тус аянд нэгдсэн бол  “Транскапитал банк бус санхүүгийн байгууллага”-ын  70 хүний бүрэлдэхүүнтэй хамт олон 2 дугаар хорооны нийтийн эзэмшлийн талбайд хог цэвэрлэгээ хийж ажиллалаа. 

Энэ мэтчилэн байгууллага, аж ахуйн нэгж, иргэд сайн дураараа аянд нэгдэж бусдыгаа манлайлан оролцсон явдалд талархал илэрхийлье. 

Хан-Уул дүүргийн Засаг даргын Тамгын газар

 


Сэтгэгдэл

Баннер

Хэрэглэгчийн хандалт