ХАН-УУЛ ДҮҮРГИЙН 16 НАС ХҮРСЭН 120 ЗАЛУУЧУУД ИРГЭНИЙ ҮНЭМЛЭХЭЭ ГАРДАН АВЧ АНДГАЙ ӨРГӨЛӨӨ
Хан-Уул дүүргийн Засаг даргын Тамгын Газраас уламжлал болгон зохион байгуулдаг Монгол Улсын иргэний андгай өргөх ёслол Нийслэлийн 379 жилийн ойг тохиолдуулан 2018 оны 10 дугаар сарын 26-ны өдөр дүүргийн Соёлын ордонд боллоо. Хан-Уул дүүргийн 16 хорооны 16 насанд хүрч буй 120 залуучууд иргэний үнэмлэх болон дүүргийн Засаг даргын хүндэтгэлийн “Дурсамж”-ын хамт гардан авлаа.

Андгай өргөж буй залуучуудад Нийслэлийн Залуучуудын хөгжлийн газрын дарга С.Сүх-Очир, Оюуны төвийн захирал, лектор Г.Мөнгөн нар илтгэл тавьж залуучуудыг нийгэмдээ манлайлагч байхыг уриаллаа. Түүнчлэн залуу дуучин Ш.Хүрэлбаатар 16 насны дурсамжаа хуваалцан ая дуугаар мэндчилгээ дэвшүүлсэн үйл ажиллагаа болж өндөрлөлөө.

Сэтгэгдэл

Баннер

Хэрэглэгчийн хандалт